Stelpurnar og fótboltinn.

Gleðitíðindi, við getum losnað við bullið í íþróttafréttamönnum hér heima á meðan leikurinn er, hann er sýndur á Eurosport.

Íslenskur fótbolti.

Mér finnst ástæða að endurtaka þessa gömlu færslu, hvað finnst ykkur.

 

Hvenær ætlum við að gera okkur grein fyrir því að við erum undirmálsþjóð í fótbolta, eftir jafnteflið um helgina er ljóst að atvinnumennirnir okkar eru ekki að leika af þeirri getu sem þeir sýna með félagsliðum sínum, þetta er skiljanlegt þar sem þeir hafa sitt lifibrauð af boltanum og eru sennilega að leika upp upp á það að meiðast ekki, hér er ein hugmynd, af hverju ekki að velja stráka sem eru að spila hér heima og gefa þeim tækifæri á því að sýna hvað í þeim býr, ég er alls ekki að kasta rýrð á atvinnumennina en ég held að guttarnir hérna heima gætu varla sýnt lélegri fótbolta en boðið var uppá í þessari kómedíu sem við sáum um daginn. Áfram Ísland.

Íþróttafréttamenn og orðhengilsháttur.

Með aldrinum verður maður forn í skapi og getur látið allan fjandann fara í pirrurnar á sér, ég hef núna í alllangan tíma furðað mig á því hvað íþróttafréttamenn, þjálfarar og leikmenn hafa starað á Guðjón Þórðarson með stjörnur í augunum og lapið upp bullið sem frá honum kemur, ég vil nefna dæmi, "leikur á miðsvæðinu" hefur síðan ég sparkaði í bolta verið miðjumaður og leikið á miðjunni, "varnarvinna" toppar nú allt, menn leika varnarleik, svo koma vitringarnir í sjónvarpinu og segja þegar markvörður ver vítaspyrnu "hann lét markvörðinn verja", hver tekur víti til þess að láta verja það og segja svo að skotmaðurinn hafi brennt af, að brenna af hefur alltaf verið notað um leikmann sem er í góðu færi og hittir ekki markið, ég hef eins og fjölmargir aðrir forðast að horfa á leiki þar sem íslensku lýsendurnir eru og horfi frekar á leikina þar sem ensku þulirnir eru, og svo toppar það tilveruna að eiga eftir að upplifa það að Arnar og Þorsteinn hjá 365 eigi að lýsa enska boltanum næsta keppnistímabil það er nú nóg að þurfa að hafa þá í Meistaradeildinni og enska bikarnum, góði Guð taktu þennan beiska kaleik frá mér.