Myndirnar hennar Svövu.

Ég er einn af mörgum hér á landi sem hef aldrei getað teiknað mynd, var að vísu þokkalegur með litabækur í gamla daga og fór ekki mikið útfyrir línurnar, en ég verð að segja ykkur frá Bloggvini sem ég eignaðist hérna inni, þetta er Guðný Svava Strandberg, eða ipanama eins og hún kýs að kalla sig hérna, á síðunni hennar er myndir sem hún hefur unnið af mikilli nærgætni og þokka, sjálfur á ég nokkra striga á veggjunum hjá mér sem mér finnst að lifni við ef ég horfi á þá, nefni Sverri Haraldsson Hulduhólamálarann og Jóhannes Geir, ég hef aðeins séð myndirnar hennar hér á Blogginu en þær eru lifandi og litasamsetning þeirra er ótrúleg, skora á ykkur að líta á þessa sýningu, þið verðið hissa.

Klámliðið.

Það er nú sennilega að bera í bakkafullan lækinn að tjá sig um þetta klámdæmi sem virðist vera að setja stórann hluta þjóðarinnar á annan endann, hvað í ósköpunum er að því að þetta fólk sem vinnur svona fyrir sínu daglega brauði á þennan hátt heimsæki Ísland í 3 eða 4 daga, haldið þið að þetta lið gjörspilli æsku landsins, munu hjónaskilnaðir aukast hvað er málið, þetta fólk hefur kosið að vinna svona fyrir sínu lífsviðurværi og verði því bara að góðu, þessi "bransi" er alveg jafn niðurlægjandi fyrir karla eins og konur, leyfið þessu liði að vera hérna í friði og vonum bara að það eyði sem mestum peningum hérna, er ekki alltaf verið að tala um að Ísland þurfi erlenda gesti að vetrarlagi til þess að halda hótelunum og veitingastöðunum gangandi og skiptir þá máli hvað þetta fólk gerir heima hjá sér og það í annari heimsálfu, get a life.

"okurvextir" bankanna.

Þessa dagana á sér stað skæruhernaður í þjóðfélaginu vegna vaxtatekna bankanna, það sem hér um ræðir eru vextir af yfirdráttarheimildum og kreditkortum, hefur fólk virkilega ekki gert sér grein fyrir því að það er að greiða vexti af peninum sem það er ekki búið að afla, þessar skuldir eru til komnar af neyslugræðgi og kapphlaupi við Jón í næsta húsi, ég er sjálfur eftirlaunaþegi og hef sniðið mer stakk eftir vexti, lifi góðu lífi af því sem ég hef og get látið nánast allt eftir mér án þess að vera með yfirdrátt og kreditkort, bý í eigin húsnæði, á góðan bíl og lítið afdrep í sveitinni, var aldrei hálaunamaður eða hlutabréfaeigandi, þegar ég vildi eignast eitthvað þá var bara fundin smá aukavinna og hlutirnir komu bara hægt og rólega, það sem þarf fyrst að laga hérna á klakanum er hugsunarháttur fólks, að skilja að þú gleypir ekki heiminn í einum bita, hér eins og annarsstaðar ef þú vilt eignast eitthvað verðurðu að leggja svolítið á þig, á eftir kemur gleðin yfir því að hafa eignast eitthvað og átt það fyrir eigin dugnað og situr ekki uppi með vaxtagjöld af því þú nenntir ekki að hafa svolítið fyrir hlutunum, svo eru Samfylkingarþingmenn að skjóta föstum skotum á bankana og gera þá að blórabögglum neysluæðis fólks sem kann ekki fótum sínum forráð.

Gleðigjafar.

Mikið óskaplega finnst mér gaman þegar gamlir vinir dúkka hér upp og nenna að eiga við mig orðaskipti, ekki datt mér í hug, illa pennafærum manninum, að það gæti hent, verð augljóslega að vera duglegri að missa eitthvað á blað annað en gagnrýni á það sem mér finnst miður fara og horfa á góðu hliðarnar og geta þeirra líka, hef sennilega hagað mér hér á eftirfarandi hátt

Lastaranum líkar ei neitt

lætur hann ganga róginn

finni hann laufblað fölnað eitt

þá fordæmir hann skóginn.

 

Framsóknarflokkurinn.

Ég velti því fyrir mér,  af hverju núna, þegar að Framsóknarflokkurinn hefur loksins eignast formann sem  talar af heibrigðri skynsemi  þá dettur fylgi flokksins niður, hef reyndar aldrei kosið flokkinn einfaldlega vegna þess að mér hefur ekki þótt síðustu formenn traustsins virði, þarna virðist vera kominn maður með víðtæka þekkingu á málefnum sem skipta þessa þjóð máli sem mér fannst koma berlega í ljós þegar þeir hittust í sjónvarpinu í gær, téður Jón og hinsvegar "ég er á móti öllu" Steingrímur, ég óska þessum nýja formanni alls hins besta í komandi átökum og vona að hann fái það fylgi sem þarf til þess að forða okkur öllum frá vinstri slysunum sem hafa verið heimilunum afar kostnaðarsöm.

Fjármagnstekjuskattur.

Ég velti fyrir mér málflutningi Steingríms Vinstri græna varðandi fjármagnstekjuskatt, við erum örugglega mýmörg sem höfum reynt að spara smáræði í gegnum tíðina og erum í dag að reyna að fá bestu ávöxtun þess fjár sem við höfum nurlað saman eftir að hafa greitt skattana okkar, vill hann núna skattleggja okkur aftur og láta okkur borga fullan skatt af þessu, hann segir jú að það séu margir sem eigi milljónir á miljónir ofan og þeir eigi að borga, en hvar eru mörkin, eg er sjálfur kominn á eftirlaun og greiði fullan skatt af því sem ég fæ úr mínum lífeyrissjóði og núna vill mannkertið fara að skattleggja enn frekar sparnað minn,  ég get ekki séð til hvaða hóps þessi maður er að höfða.

Nýr dagur.

Jæja góðir hálsar þá er enn og aftur kominn mánudagur, vona að þið hafið átt góða helgi eins og ég, eyddi helginni á þeim góða stað Grundarfirði hjá dóttur minni og kem endurnærður á sálinni heim aftur, það var fjandi mikil hálka á leiðinni heim og léttur skafrenningur en mér til undrunar voru þó nokkuð margir sem óku eins og um sumardag væri að ræða og voru vel á seinna hundraðinu, mér er til furðu að ekki voru fréttir af neinum stórum óhöppum, kannski er ég bara orðinn svona gamall að ég ek ekki eins og "vitleysingur", hvað finnst ykkur um hugmyndina um nýja hálendisveginn, erum við tilbúin að borga 2000 kall fyrir 47 kílómetra, þetta er u.þ.b. 30 mínútna akstur, berum þetta saman við bensínverðið og hvað við eyðum mörgum krónum á 47 kílómetra akstri.

Nýtt júkkabrot eða hvað

Finnst ykkur ekki eins og mér að þegar sá pólski setti hnéð í lærið á Guðjóni að þarna væri algjör ásetningur eins og þegar júkkarnir á sínum tíma tóku um hælinn á hornamanni sem var að fara inn og  gefur beint rautt spjald, mér er ekki tamt að gagnrýna dómara en fannst þetta nú fullmikið af því góða en þetta er víst hluti af leiknum, en helvíti er ég súr með þetta, við tökum bara næsta leik, við erum lítil þjóð en gefumst aldrei upp, ÁFRAM ÍSLAND.

Burt með skussana.

Mér finnst nú orðið svo komið með okkar ágæta Alþingi að þar þurfi stórra breytinga við, í fyrsta lagi þarf að hækka laun alþingismanna all verulega til þess að laða þangað hæft fólk,þarna situr stór hópur fólks sem aldrei hefur neitt að segja og eina sem þetta fólk gerir er að ýta á já eða nei hnappinn eftir því hvað forustan segir, ef þetta er ekki hægt þá skulum við bara fá einn góðann bissnissmann til þess að reka landið eins og gott fyrirtæki sem skilar arði og hætta að þessari skattpíningu sem viðgengst hér þó hún sé nú að fara minnkandi, horfum á bankana þeir eru að stórgræða, OG ÞAÐ EKKI Á KOSTNAÐ OKKAR, heldur útsjónarsemi stjórnenda á á fjármálamarkaðnum, víst mættu vextir vera lægri en vaxtamunurinn er EKKI það sem er að skila þessari góðu afkomu heldur er það útsjónarsemi og góð stjórnun, burt með flokkaskussana af þingi og það fyrr en seinna.  

Ríkisútvarpið burt.

Er ekki orðið tímabært að við losum okkur alfarið við Ríkisútvarpið, þessi þjóðarskömm er rekin með nokkurra milljarða halla þrátt fyrir nauðungaráskrift og að ekki sé talað um dagskrána sem er svo leiðinleg að fæstir nenna að horfa á þetta, ég get ekki séð að RÚV gegni nokkru öryggishlutverki þergar svo er komið að enginn nennir að horfa á  hörmungina, ég segi burt með þessa blóðsugu á líkama þjóðarinnar.